هذه الأبيات قلتها بالمرحوم الشيخ سليمان العجلان

ثادق غدا مظلم ونوره بعد راح

من عقب شيخ صادق في نواياه

هلت دموع الخلق وصارت له نياح

من يوم راح اللي رفيعه مزاياه

شيخ من العجلان فيه القدر طاح

سليمان حرن ناجح في سواياه

عسى المواتر دايما ماله ارباح

تقصف اجل ارواح خلق برياه

كم واحد دمعه نزف بين الاجراح

من حادث شيب رضيع النزياه

عوايلن صكت بيوته بالالواح

من حادث نثر جنايز ضحاياه

مرحوم يا شيخ به الطيب سفاح

شيخ سليم دايم في خفاياه

عقب عيالن نارها ضوها لاح

نسل الحرار اللي سبوقه طويلاه

يالله عسى قبره بساتين واسياح

وروحه عساه بجنة عند مولاه

والختم صلوا عدد ما بارقن لاح

على رسول العدل صار ممشاه

اخوكم شاعر الجزيره حميد الجلعود - حائل مدينة السميراء.

* أرسلت إلى جوال الوالد ..

« رحمك الله يا سارة العجلان ..
الفاجعة »