حبري ،،

أول واجب أحله في عالم التدوين.

1- اشياء كثيره حولي ( تصرفات - احداث - كلام ) تذكرني بأمي ، لدرجة بعض المرات كل شي حولي يذكرني فيها، لكن ما أقدر أتكلم عنها ولا ودي اتكلم عنها لاني متاكد بأن كل سواليفي بتكون عنها . ابتسم او تدمع عيني وهذا يكفي .

2- ما عندي صمله لدرجة أن عندي أفكار كثيره بس ما راح اسويها لاني متاكد باوقف في النص واعلق نفسي . واندم على عادتي البايخه. وفي نفس الوقت روتيني في نظامي اليومي.

3- اعتبر نفسي بير للاسرار لدرجة ممكن اني انكر اني اعرف سر معين للشخص اللي قال سره اذا حسيت انه ناسي انه قال لي ، واي شخص يقولي شي مستحيل انقله لناس ثانين لاني اعتبره سر .

4- احب الافلام الوثائقية وانبهر من قدرة تحوير حياة طبيعية مثل عالم الحيوان الى سيناريو مبهر .

5- اتعلم مبادئ واساسيات كل شي حولي ، لكن مو شرط اني استمر فيه (اتوقع الصمله لها دخل )، مثال للتوضيح: تعلمت لعب البلوت ومبادئها وقوانينها لكن في نفس الوقت ما العبها او بالاصح اكرهها.

6- بدأت ابتعد عن الاصدقاء وانطوي في البيت، ( لا علاقة للزواج بهذا الامر لان لاحظت هالحاله من بعد وفاة امي ) مع اني اجتماعي لكن اعتقد ان تواجدي سيكون في المناسبات الرسميه فقط.

شكرا امون. كل من طليت في مدونته لقيته حال الواجب